婚宴當晚到敬酒環節,就少不免賓客會同你敬酒祝賀,唔飲得想要解救方法?

如果酒量淺嘅你,就要睇下我地有啲咩解酒妙法幫到你,唔使新婚當晚畀老婆大人拖住返屋企,唔使斷晒片!

1) 兄弟頂酒團

搵兄弟除左要擔得又抬得之餘,記得留定一個最佳位置俾啲酒鬼做!始終新郎頂得一圍都頂唔住廿圍酒架嘛,有佢地係到安心又放心!

2) 切勿空肚飲酒

婚宴當晚既新人大部份都需要招呼親朋好友或者上枱同賓客拍照留念,大多都無時間食野,但到左敬酒環節,記得至少都打定底,空肚飲酒好快到頂!至於幸福食飽既新人,千祈唔好太飽肚,會好容易嘔吐!

3) 含油質食物幫到你

飲酒前食D含油質既食物,如:牛奶、牛油果、風乾肉或番石榴等,婚宴最容易搵到食[蛋糕]打底。

4) 解酒藥並唔係你最好既幫手

當飲酒過多時,切勿依賴解酒藥,可飲用大量熱湯或清水沖淡酒精,食生果或喝蜜糖水等。

5) 解酒靠穴位?

當飲到覺得差唔多既時候,可試試按摩手掌的合谷穴位,可減輕暈眩及解酒。

6) 兄弟司機

記得搵定一個唔好酒既好朋友,抬你返去酒店或者屋企,留低老婆一個好閉翳。

希望分享以上6招可以幫到大家啦!

Mona Lisa Bridal Salon